Icyorezo ya COVID-19 cyafatwaga nk’indwara yo mu myanya y’ubuhumekero gusa. Ariko ubushakashatsi bwagaragaje ko Corona virusi yinjirira mu myanya y’ubuhumekero ariko bimwe mu byagaragajwe n’abahanga b’abashakashatsi nuko hari ibizamini byagiye bikorerwa ku bantu bahitanywe na COVID-19 hakagaragara ko COVID-19 igenda ikagera aho yangiza imitsi itwara amaraso uhereye mu bihaha ndetse n’ibindi bice by’umubiri.
Iyo imitsi yangiritse ituma amaraso adatembera neza bityo hakabaho kwirema kw’ibibumbe byamaraso bigenda bizibira amaraso ntabashe gutambuka neza ngo agere aho agiye.
Ibi bishobora gutuma habaho indwara zibasira umutima (heart attack), Stroke na Gangrene.
Indwara zibasira Umutima
Mu nyigo yakorewe mu gihugu cy’ubushinwa ku barwayi bagera ku 187 ba COVID-19, bagaragaweho ko bagize ibibazo by’imitima aribyo byagiye bituma imitima yabo itera nabi kugera ihagaze umuntu agapfa.
Akaba ariyo mpamvu abari basanzwe badwaye indwara z’umutima barushaho kuzahazwa cyane no kwicwa na COVID-19 ugereranije n’uwanduye Covid-19 ariko atari asanzwe afite ibibazo by’umutima.
Ikigo cy’igihugu cy’abashinwa gishinzwe kurwanya indwara no kuzirinda “Chinesse CDC” cyagaragaje ko abasanzwe barwara umutima iyo banduye COVID-19 impfu zabo zizamuka ku kigero cy’i 10%.
Indwara ya stroke
Indwara ya COVID-19 irimo guhuzwa n’indwara ya stroke. Impamvu ni uko Stroke ari indwara iba mu gihe udutsi dutembereza amaraso mu bwonko twifunze cyangwa tugashwanyuka. Nk’uko byatangajwe haruguru, abarwayi bafite COVID-19 bibongerera ibyago byo kwirema kw’ibibumbe by’amaraso bishobora kugera aho bifunga imwe mu mitsi birimo. Iyo mitsi rero ishobora kuba ari iyo mu bwonko bityo yakwifunga hakagira igice cy’ubwonko cyangirika aribyo byitwa stroke.
Inyigo yakorewe ku barwayi bamwe b’abadage banduye COVID-19 yagaragaje ko abagera kuri 1/3 mu bari barwariye aharwarira indembe bari bafite ibibumbe by’amaraso bitembera mu imitsi yabo. Muri bo 4% bishwe na Stroke.
Andi makuru agaragaza ko indwara ya COVID-19 ikwira hose hose mu mubiri kuko ishobora kugira ingaruka zangiza umubiri hafi ya wose atari mu myanya y’ubuhumekero gusa, akaba ari cyo abashakashatsi bise ‘COVID-19 Toes’. Aha usanga umuntu amano ye agenda atukura cyane nyuma akirabura aribyo kandi bita “Gangrene”. Aho ushobora gusanga ibice bimwe na bimwe by’umubiri byaraboze kandi mu byukuri umuntu ari muzima. Ibi ngo nabyo biterwa no kuba udutsi tw’amaraso tuba tugeza amaraso muri icyo gice iba yarangiritse cyangwa igafungwa n’ibumbe by’amaraso akananirwa kugera muri icyo gice kikangirika.
INKURU YANDITSWE NA KAYITESI Ange
