Mu nama hagaragajwemo ko Komite y’Igihugu y’Imikino y’Abafite ubumuga mu Rwanda ifite umushinga wo kugira inyubako yayo, habaho kwiyemeza kongerera imbaraga komite z’imikino y’abafite ubumuga mu turere, hatangazwa raporo y’umutungo na gahunda y’ibikorwa by’umwaka wa 2020-2021 ndetse hanatorwa komite nshya.
Ibi byose byakozwe kuri iki Cyumweru taliki 4 Mata 2021 hifashishijwe ikoranabuhanga mu nama y’Inteko Rusange ya Komite y’Igihugu y’Imikino y’Abafite ubumuga mu Rwanda “NPC-Rwanda” , hatorwa komite nyobozi nshya ikaba igizwe n’aba bakurikira.
Murema Jean Baptiste ni we wongeye gutorerwa kuyobora NPC Rwanda mu gihe cy’imyaka 4 iri imbere. Ku mwanya wa Visi Perezida wa mbere ushinzwe amarushanwa hatowe Safari William, ku mwanya wa Visi Perezida wa kabiri ushinzwe imenyekanishabikorwa hatorwa Mukarusine Claudine.
Muri aya matora kandi hatowe Dr. Mutangana Dieudonné ku mwanya w’Umunyamabanga mukuru wari usanzwe kuri uyu mwanya naho Vuningabo Emile Cadet yongera gutorerwa umwanya w’Umubitsi.
Mu yindi myanya yatorewe, hari Bizimana Jean Damascène uhagarariye abafite ubumuga bwo kutumva no kutavuga, Mukanyemazi Adèle, uhagarariye abafite ubumuga bw’ingingo, Sekarema Jean Paul, uhagarariye abafite ubumuga bwo mu mutwe, Mukanziza Venantie, uhagarariye abafite ubumuga bwo kutabona, Mukobwankawe Liliane uhagarariye abagore na Twagirayezu Callixte uhagarariye abakinnyi.
Murema Jean Baptiste
Safari William
Mukarusine Claudine
Dr. Mutangana Dieudonné
Vuningabo Emile Cadet
KAYITESI Ange
