Umukino w’iteramakofe wabereye kuri AT&T Stadium Arlington, muri Leta ya Texas, wahuje Mike Tyson na Jake Paul, wahombeje umuraperi Graham (Drake) Amadorali 335,000 ni ukuvuga asaga miliyoni 400 z’amafaranga y’u Rwanda.
Ibi byabaye nyuma y’uko abari bagize akanama nkemurampaka bahurije ku kuba Jake Paul wamamaye kuri YouTube no ku mbuga nkoranyambaga, ari we utsinze nyuma yo kugira amanota 80-72, 79-73 na 79-73, mu gihe umuraperi Aubrey Drake yari yayategeye Mike Tyson kariya kayabo k’amafaranga kugira ngo atsinde uyu mukino w’iteramakofe.
Ikinyamakuru The Vanguard, kivuga ko Mike Tyson iyo aza gutsinda, Drake yari kwegukana miliyoni imwe y’Amadolari (arenga miliyari imwe y’Amafaranga y’u Rwanda).
Nyuma y’uko Jake Paul atsinze Mike Tyson, yabonye agera kuri miliyoni 40$ mu gihe Tyson we ahabwa miliyoni 20$.
INKURU YA SHEMA Charmant
