Umuvugizi wa M23, Lawrence Kanyuka mu butumwa yanyujije kuri Twitter ye, yamaganye ubu bwicanyi mbere yo gusaba abaribo EJVM, Urwego rushinzwe gucukumbura ibibazo bya Congo ndetse n’Urwego rwa EAC rushinzwe ubugenzuzi gukora iperereza kuri buriya bwicanyi.
Yagize ati “M23 iramagana yivuye inyuma ubwicanyi bwakorewe i Kizimba bukozwe n’Ingabo za Guverinoma ya Kinshasa. Turahamagarira urwego rushinzwe gucukumbura umuzi w’ibibazo biri mu Burasirazuba bwa Congo, EJVM ndetse n’Urwego rushinzwe ubugenzuzi rwa EAC gukora iperereza bagatangaza ibyarivuyemo.”
Sosiyete Sivile yo mu ntara ya Kivu y’Amajyaruguru yatangaje ko abasivile 16 barimo abagabo, abagore n’abana ari bo biciwe mu gace ka Kizimba ho muri Groupement ya Bishusha muri Rutshuru.
Ni nyuma y’imirwano yasakiranyirije muri aka gace hagati y’inyeshyamba za M23 n’indi mitwe y’inyeshyamba izwi nka Wazalendo imaze igihe ifasha Ingabo za Congo mu mirwano.
Ni imirwano yabaye mu ijoro ryo kuri uyu wa Kane bitaramenyekana uruhande rwayitangije.
INKURUN YANDITSWE NA TUYISHIME Eric
