Kuri uyu wa Kane tariki 16 Nyakanga 2020, nibwo uwahoze ari Minisitiri w’Intebe Dr Habumuremyi Pierre Damien yitabye urukiko aburana ku ifungwa n’ifungurwa mu rukiko rw’ibanze rwa Gasabo, nyuma yo gufatwa aregwa ibyaha binyuranye.
Dr Habumuremyi akurikiranyweho ibyaha bishingiye kuri Kaminuza ye ya Christian University of Rwanda no gukoresha nabi umutungo ndetse n’ubuhemu.
Urubanza rurimo kubera mu rukiko rw’Ibanze rwa Gasabo, rwitabiriwe n’itangazamakuru ariko hubahirizwa amabwiriza yo kwirinda ikwirakwira rya Konoravirusi.
Abunganira Dr Habumuremyi bagaragaza ko urubanza rwamamajwe cyane ndetse rukaba rwavuzwe cyane mu itangazamakuru, kuri bo bikaba biteye impungenge ngo kuko uwo bunganira adatekanye bitewe nuko urubanza rwamamajwe cyane.
Akaba ari muri urwo rwego abunganizi be basabye≠ ko urubanza rwabera mu muhezo.
Abacamanza bafashe umwanya wo kwiherera kugira ngo hasuzumwe ibyo uruhande rw’uregwa rusaba.
Ubushinjacyaha bwavuze ko izo mpamvu nta shingiro zifite, ko iburanisha ribera mu ruhame buri wese akarikurikira.
Dr. Habumuremyi aregwa gutanga sheki zitazigamiye n’icyaha cy’ubuhemu akekwa ko yabikoze mu 2019 ari Umuyobozi wa kaminuza yashinze ya Christian University of Rwanda.
Yabwiye urukukiko ko ahakanye ibyaha byose aregwa.
Uru rubanza tukazakomeza kurukurikiranira abakunzi bacu.
NIYONZIMA Theogene
