Inzego z’ubuzima muri Nigeria zatangaje ko zamennye inkingo 1.066.214 za Covid-19 zo mu bwoko bwa AstraZeneca bitewe n’uko zamaze kurenza igihe.
Izi nkingo zamenwe kuri uyu wa Gatatu. Iki gihugu cyatangaje ko mu kuzihabwa cyashyizweho amananiza menshi n’ibihugu bikize bizikora zibageraho zigiye kurenza igihe.
Zamenwe mu kimpoteri giherereye Abuja nyuma y’icyumweru iki gihugu gitangaje ko kitazongera kwakira inkingo gihabwa nk’inkunga nk’uko byatangajwe n’ibinyamakuru bitandukanye.
Nubwo zamenwe ariko Nigeria imaze gukingira 2% by’abaturage bayo; miliyoni 13 ni zo zimaze guhabwa doze ya mbere na ho abasaga miliyoni enye nibo bamaze gukingirwa mu buryo bwuzuye.
Kuva Covid-19 yakwibasira Isi muri Nigeria, abasaga ibihumbi 231 bamaze kuyandura ikaba imaze guhitana abasaga ibihumbi bibiri.
NIYONZIMA Theogene
