Minisiteri y’Ubuzima yatangaje ko kuri uyu wa Kane tarlki ya 14 Mata 2021, abantu 211 ari bo bakize icyorezo cya COVID-19 batuma abamaze gukira bose bagera ku 21,805 bangana na 91.8% by’Abarwayi bamaze gutahurwa mu Rwanda kugeza ubu.
Uyu munsi nanone habonetse abarwayi bashya 72 b’icyorezo cya COVID-19 batumye umubare w’abamaze gutahurwaho icyo cyorezo ugera ku 23,744 bamaze kuboneka mu bipimo 1,243,409 byafashwe guhera muri Werurwe 2020, bikaba birimo ibipimo 6,289 byafashwe mu masaha 24 ashize.
Abarwayi bashya barimo abo mu Karere ka Nyamagabe 18, Nyaruguru 8, Huye 8, Nyanza 7, Rwamagana 6, Umujyi wa Kigali 6, Karongi 4, Gakenke 3, Muhanga 3, Musanze 2, Ngororero 2, Rubavu 2, Ruhango 2, Gatsibo 1 na Rusizi 1.
Abarwayi bakirimo kwitabwaho n’abaganga bageze ku 1,618 barimo umunani barembye. Uyu munsi icyo cyorezo cyahitanye abantu bane barimo abagore babiri b’imyaka 81 (i Kigali) na 74 (i Nyabihu) n’abagabo babiri b’imyaka 90 (i Nyanza) na 71 (i Kigali), bityo abamaze guhitanwa na cyo bagera kuri 321 bangana na 1.3% by’abarwayi bamaze gutahurwa guhera umwaka ushize.
Imibare itangazwa kuri Afurika igaragaza ko abamaze gutahurwaho icyorezo cya COVID-19 ku mugabane basaga miliyoni 4.3 barimo miliyoni 3.9 z’abamaze gukira, n’abarenga ibihumbi 116 bamaze kwicwa nayo.
Ku isi, abamaze kwandura covid-19 muri rusange barakabakaba miliyoni 139 barimo miliyoni 118 z’abakize ndetse na miliyoni 2.9 z’abo yishe.
ubwanditsi@umuringanews.com
