Kuwa Kane w’iki Cyumweru tariki 4 Nyakanga 2019, ubuyobozi bwa Repubulika Iharanira Demokarasi ya Congo bwagaragaje ko icyorezo cya ebola cyagaragaye ku bantu 2,382, muri bo 1606 bakaba cyaramaze kubahitana.
Minisiteri y’Ubuzima muri Repubulika Iharanira Demokarasi ya Congo, yatangaje ko mu mezi 11 muri iki gihugu hagaragaye icyorezo cya Ebola, kimaze guhitana abantu 1600 ndetse ubu kigaragara hafi y’umupaka wa Uganda.
Umuvugizi wa Minisiteri y’Ubuzima muri Repubulika Iharanira Demokarasi ya Congo, yabwiye ibiro ntangazamakuru bya AFP, ko umurwayi wagaragaje ibimenyetso by’iyi ndwara mu gace ka Ariwara mu Ntara ya Ituri hafi y’umupaka wa Uganda yamaze kumwica.
Uwo wapfuye yari umubyeyi wo muri Kivu y’Amajyaruguru ufite abana batanu bafashwe na Ebola aho babiri muri bo bamaze gupfa.
Ariwari iri mu Majyaruguru ya Ituri, mu bilometero icumi uvuye muri Uganda, no mu bilometero 60 uvuye muri Sudani y’Epfo.
UWIMPUHWE Egidia
