Raporo Ngarukamunsi ya Minisiteri y’Ubuzima yerekanye ko abaturarwanda 1.000.439 bamaze gukingirwa COVID-19 mu buryo bwuzuye nyuma yo guhabwa dose ebyiri z’urukingo.
Iyi raporo igaragaza ko 1.000.439 bakingiwe nyuma y’uko ku wa 13 Nzeri 2021, abahawe dose ya kabiri y’urukingo rwa Covid-19 bari 13.081 mu gihe abafashe iya mbere bari 26.299 byatumye umubare wabo ugera kuri 1.822.054.
U Rwanda rwashyize imbaraga mu bikorwa byo gukingira abaturage barwo ndetse hari icyizere ko mu bihe biri imbere, batangira gusubira mu buzima busanzwe mu gihe bakomeza kwirinda ndetse n’inkingo zikaboneka.
U Rwanda rwizere ko nibura uyu mwaka uzarangira hakingiwe 30% by’Abaturarwanda. Ni mu gihe umwaka utaha byitezwe ko hazaba hakingiwe nibura 60%.
Minisante kandi yatangaje ko kuri uyu wa Mbere, abantu 459 bashya banduye COVID-19 mu bipimo 10.027 mu gihe batanu binjijwe mu bitaro kugira ngo bitabweho n’abaganga.
Ikomeza yerekana ko kuri ubu abarembye ari 19 mu gihe abasezerewe mu bitaro ari batatu.
Minisante kandi igaragaza ko mu masaha 24 ashize, abantu batatu barimo umugabo umwe n’abagore babiri bishwe n’icyorezo cya COVID-19.
13.09.2021 Amakuru mashya | Update | Mise à jour
Twihanganishije imiryango y’abagore 2 n’umugabo 1 bitabye Imana / Condolences to families of 2 women and 1 man who passed away / Condoléances aux familles de 2 femmes et 1 homme qui sont décédés pic.twitter.com/oL4DgesCNO
— Ministry of Health | Rwanda (@RwandaHealth) September 13, 2021
ubwanditsi@umuringanews.com
