Nubwo Ishami ry’Umuryango w’Abibumbye ryita ku Buzima “ OMS”, riherutse gutangaza ko imbaraga zo guhangana n’icyorezo cya Ebola muri Repubulika Iharanira Demukarasi ya Congo zakomwe mu nkokora n’intambara z’imitwe yitwaje intwaro, ebola ikomeje kwivugana abatari bake, kuko Minisiteri y’Ubuzima y’iki gihugu yatangaje ko abaturage bamaze gufatwa n’icyorezo cya Ebola basaga 2000 kuva cyatangira kugaragara muri iki gihugu mu Ukwakira mu mwaka wa 2018.
Imibare yashyizwe ahagaragara n’iyi Minisiteri kuri uyu wa Mbere igaragaza ko abantu 2008 aribo bamaze kugaragaza ibimenyetso bya Ebola, muri bo 1914 nibo byemejwe ko bayirwaye mu gihe 94 baketsweho iki cyorezo. Ikomeza igaragaza ko “abamaze kwicwa n’iki cyorezo ari 1346 naho abantu 539 bakingiwe.”
CNN yatangaje ko umuganga wari ushinzwe iki cyorezo muri OMS, Dr Richard Mouzoko wakoreraga mu gace ka Butemo muri Kivu y’Amajyaruguru yishwe n’abitwaje intwaro muri Mata uyu mwaka.
NIYONZIMA Theogene
