Rayon Sports yasoje ku mwanya wa 2 mu itsinda rya 4 ikaba izahura na Enyimba FC yo muri Nigeria, iyi kipe ya Rayon Sports imenya ikipe bizahura muri 1/4 cy’imikino nyafurika ku makipe yatwaye ibikombe iwayo muri Africa, nyuma y’aho iyi kipe yo mu Rwanda yanditse amateka uyu mwaka yo kuba ikipe ya mbere mu Rwanda, igeze muri 1/4 cy’amarushanwa nyafurika avuguruye (Caf Confederation Cup).
Iyi kipe ya Enyimba FC yo muri Nigeria yatombowe na Rayon Sports, ni ikipe itoroshye ifite ibikombe 2 bya Champions League yatwaye muri 2003 na 2004, akaba ari imwe mu makipe akomeye yo muri Nigeria, ndetse yanageze muri iki cyiciro ibaye i ya mbere mu itsinda rya 3.
Umukino ubanza uzabera mu Rwanda ku itariki ya 16 Nzeli uyu mwaka, umukino wo kwishyura ukaba uzaba nyuma y’icyumweru tarki ya 23 ubere kuri Enyimba International Stadium iri muri leta ya ABA.
Uburyo amakipe yatomboranye
Rayon Sports (Rwanda) Vs Enyimba (Nigeria)
CARA Brazzaville (Congo) Vs Raja Casablanca (Morocco)
AS Vita Club (RDC) Vs RS Berkane (Morocco)
Al Masry (Egypt) Vs USM Alger(Algeria)
Hagati ya Rayon Sports na Enyimba FC izatsinda muri izi zombi ikazahura n’ikipe izaba yatsinze hagati ya CARA Brazzaville na RAJA Casablanca muri 1/2 cy’irangiza.
NIYONZIMA Theogene
