Ejo hashize kuwa 26 Kanama 2018, nyuma y’amasaha 48 gusa Big Fizzo cyangwa Farious akoze ubukwe uyu muhanzi yaje gutangaza inkuru ibabaje y’uko yapfushije sekuru. Uyu muhanzi ukomeye i Burundi yagaragaje uburyo yakundaga cyane sekuru mu magambo yanditse ku mbuga nkoranyambaga.
Big Fizzo ni umwe mu bahanzi bakunzwe i Burundi, uyu ku wa Gatanu tariki 24 Kanama 2018 nibwo yasezeranye imbere y’amategeko ndetse asaba anakwa umufasha we mushya Edith Stein KIMANA, uyu akaba amusimbuje umufaransakazi bari bamaze igihe babana ndetse bakaba baranamaze guhabwa gatanya.
Nyuma yo gukora imihango yo gusezerana imbere y’amategeko ndetse no gusaba no gukwa uyu muhanzi n’umufasha we bazajya mu Butaliyani aho bazajya gukorera ibirori byo gusezerana imbere y’Imana ndetse ari naho bazatura kuko ariho umugore wa Big Fizzo asanzwe atuye.
NYANDWI Benjamin
