Kuri uyu wa Mbere tariki 27 Kanama 2018, ikipe ya Rayon Sports hamwe na bamwe mu bagize komite nyobozi yayo, bagiye ku bitaro bya Kibagabaga, berekwa umwana w’uruhinja watawe na nyina nyuma yo kumwibaruka. Iyi ikipe ikaba yiyemeje gusiga inkunga izakomeza gufasha abaganga kwita kuri uyu mwana nk’uko bigaragara ku rubuga rwa Twitter rw’iyi kipe ya Rayon Sports.
Muri uru ruzinduko rwakozwe kuri uyu munsi, ikipe ya Rayon Sports yarukoze mu gihe habura amasaha make ngo ihure na Yanga Africans ikipe yo muri Tanzania, nayo igomba kurara igeze mu Rwanda uyu munsi.
Rayon Sports izaba icakirana na Yanga Africans mu mukino w’umunsi wa nyuma w’imikino yo mu matsinda ya “Total CAF Confederations Cup 2018”, umukino uzakinwa kuri uyu wa Gatatu tariki ya 29 kanama 2018 kuri sitade ya Kigali saa cyenda zuzuye ku masaha ya Kigali.
NYANDWI Benjamin
