Igihuha cy’urupfu rwa Visi Perezida Philip Mpango cyatangiye gukwirakwizwa mu mpera z’icyumweru gishize nyuma y’uko hari hashize ukwezi kurenga uyu mugabo atagaragara mu ruhame.
Ku Cyumweru tariki 10 Ukuboza mu 2023, nibwo Visi Perezida wa Tanzania, Philip Mpango, yongeye kugaragara mu ruhame ubwo yari yitabiriye Misa kuri Paruwasi yitiriwe Maria Theresa Ledochowska, i Dodoma muri Tanzania.
Uyu mugabo uvuga ko yari amaze ukwezi kurenga mu kazi hanze y’igihugu, yatangaje ko yakomerekejwe n’ibi bihuha by’urupfu rwe.
Inzego z’ubuyobozi muri Tanzania zatangiye iperereza rigamije gushakisha abantu baherutse gukwirakwiza ku mbuga nkoranyambaga ko Visi Perezida w’iki gihugu, Philip Mpango yapfuye.
Minisitiri w’Itangazamakuru muri Tanzania, Nape Nnauye, yahise atanga itegeko ry’uko abakwirakwije aya makuru bagomba gukurikiranwa n’inzego z’iperereza.
INKURU YANDITSWE NA TUYISHIME Eric
