Perezida wa Liberia George Weah yahamagaye uwo bari bahanganye mu matora y’umukuru w’igihugu wamutsinze, Joseph Boakai, amukeza ku ntsinzi yabonye.
Mu ijambo yagejeje ku baturage, yagize ati:”Abaturage ba Liberia bavuze kandi twumvise ijwi ryabo”.
Joseph Boakai afite amajwi angana na 28.000 mu gihe amajwi yose asa n’ayamaze kubarurwa.
Uyu wahoze ari kizigenza mu mupira w’amaguru, perezida George Weah, yari ku butegetsi kuva mu 2018. Azava ku butegetsi mu kwezi kwa mbere.
Yageze ku butegetsi mu byishimo byinshi cyane ku bakiri bato bitabiriye ayo matora, akaba yari yabonye intsinzi – atsinze Boakai – amurushije amajwi menshi.
Ariko bifatwa ko yananiwe kurwanya ruswa, izamuka ry’ibiciro n’imanuka ry’ubukungu ryangije ishusho ye.
Weah yatangiye ijambo rye ry’iminota itanu avuga “icyubahiro afitiye uko amatora yagenze ari byo byerekana isura y’igihugu cyacu”, yongeraho ko yavuganye na Boakai yise “perezida watowe”.
Akanama gashinzwe gutegura amatora kari katangaje ko Boakai w’imyaka 78, inararibonye muri politike yagize amajwi 50.89%, mu gihe Weah yagize 49.11%.
Avuga kuri uko kwegerana kw’amajwi, prezida yavuze “byerekanye kutabona ibintu kimwe mu gihugu cyacu” ahita ahamagarira abanya Liberia bose “gukorera hamwe mu kugera ku bwumvikane… ubumwe ni bwo buza imbere ku mubyeyi wacu Liberia”.
SOURCE: BBC
