Kuri uyu wa mbere, tariki 28 Kanama 2023 nibwo hatangajwe iyurukanwa ry’uwari Umuyobozi w’akarere ka Nyamasheke, Mukamasabo Apolonie, Habitegeko François wari Guverineri w’Intara y’Iburengerazuba na Mukamana Espérance wari Umuyobozi Mukuru w’Ikigo cy’lgihugu Gishinzwe Ubutaka.
Ibi bikaba bibaye nyuma y’iyurukanwa ry’abayobozi banyuranye baba ab’intara, uturere n’abandi by’umwihariko abo mu ntara y’amajyaruguru, ibi bikaba bikomeje kwibazwaho n’abatari bake, aho hari n’abatangaza ko nyuma yo kwigishwa inshuro nyinshi nokwibutswa inshingano zabo, kwirukanwa biba bibereye igihe.
Inama njyanama y’akarere ka Nyamasheke niyo yafashe umwanzuro wo kumwirukana uwahoze ari umuyobozi w’aka karere Mukamasabo Apolonie nk’uko bigaragara mu itangazo ryashyizweho umukono na Perezida wayo, Hategekimana Jules.
Habitegeko François wari Guverineri w’Intara y’Iburengerazuba na Mukamana Espérance wari Umuyobozi Mukuru w’Ikigo cy’lgihugu Gishinzwe Ubutaka, itangazo ribakura mu nshingano ryashyizweho umukono na Minisitiri w’Intebe, Dr Ngirente Edouard, ku mugoroba wo kuri uyu wa mbere 28 Kanama 2023.
INKURU YANDITSWE NA KAYITESI Ange
