Nyuma y’aho uruganda rwo muri Leta Zunze Ubumwe za Amerika “Merck & Co” rwiswe V920 rukoze urukingo rwa Ebola rumaze iminsi rwifashishwaga mu gukumira ikwirakwira ry’iki cyorezo, kuri ubu abagenzuzi bo mu Burayi bamaza kwemeza icuruzwa ry’uru rukingo.
Urwego rw’abaganga bo mu Burayi rwemeye icuruzwa ry’agateganyo ry’urukingo rwa Ebola rwa mbere ku Isi, aho mu byumweru bike biteganyijwe ko ruzemerwa bya burundu.
Izi zikaba ari intambwe z’ingenzi mu gutuma haboneka urukingo rwo kurengera ubuzima bw’abantu mu bihugu byemeye kurukoresha. Gusa ibi ntacyo bihindura ku buryo rwari rusanzwe rukoreshwa mu kurwanya Ebola muri RDC, aho abantu 230 000 bamaze gukingirwa.
Ibi kandi biraca amarenga y’uko Isi iri hafi kubona umuti wemewe wo gukumira ikwirakwira rya Ebola.
U Rwanda rukaba ruteganya igikorwa cyo gukingira abakuze, urubyiruko n’abana b’imyaka ibiri bo mu bice byegereye ahavugwa icyorezo cya Ebola mu rwego rwo guhangana nacyo.
UWIMPUHWE Egidia
