Ishyirahamwe ry’Umupira w’Amaguru mu Rwanda “FERWAFA” ryari ryatangaje ko irushanwa “Agaciro” rihuza amakipe ane ya mbere muri Shampiyona ryagombaga kuba mu minsi itatu kuya 12, 15 na 25 Nzeri 2019, ariko yatangaje indi gahunda nshya ko rigomba kuba mu minsi ibiri kuwa 13 na 15 Nzeri, ibi bikaba byatumye APR FC yari yikuye muri iri rushanwa irigarukamo kuko impinduka zabaye, ziyorohereza mu mikino ifite muri ibi bihe.
Ubuyobozi bwa APR bwari bwatangaje ko iyi kipe itazitabira iri rushanwa kuko abakinnyi bayo bafite umunaniro bakuye mu irushanwa ry’amakipe y’ingabo zo mu bihugu bya EAC yabereye muri Kenya.
APR iri kwitegura shampiyona y’uyu mwaka wa 2019-2020, yari yatangaje ko inafite abakinnyi umunani bahamagawe mu kipe y’igihugu bityo ko byose kongera na ririya rushanwa byatuma itabasha kwitegura Shampiyona.
FERWAFA imaze gutangaza ziriya mpinduka, ubuyobozi bwa APR FC bwatangaje ko buzitabira ririya rushanwa rizakinwa mu minsi ibiri gusa.
IHIRWE Chris
