Igikorwa cyo konona isura y’umuhanzi Asinah Era cyabaye ku Cyumweru gishize ariki 4 Kanama 2019, tmu kabyiniro ka People Club gaherereye mu mujyi wa Kigali, aho uyu muhanzi wigeze no kuba umukunzi wa Riderman yatangaje ko yasagariwe n’umukobwa atazi wamusanze mu kabari akamukatisha urwembe ku itama, ku buryo byasabye ko ajyanwa mu bitaro ngo yitabweho n’abaganga.
Asinah yatangaje ko byamugwiririye aho yabonye umukobwa amwegera agahita amukebesha urwembe, nta hantu asanzwe amuzi, nyuma akaza kumenya amazina ye ayabwiwe n’abasanzwe bamuzi.
Ati “Njye ntabwo nari nsanzwe muzi ariko abamuzi bambwiye ko yitwa Shakira. Yanshwaratuye mu maso ku itama ry’ibumoso. Ariko abantu bamubonye basanzwe bamuzi bambwira ko ariko asanzwe ameze, ngo akunda kugendana inzembe yabona atakwishimiye akagukata.”
Asinah yemeje ko yagejeje ikirego cye muri RIB, ubu ategereje igisubizo kuko ibintu byamubayeho avuga ko ari agahomamunwa.
IHIRWE Chriss
