Uyu munsi kuwa kane tariki 18 Ukwakira 2018, nibwo Wema Sepetu yakwirakwije ku mbuga nkoranyambaga amafoto amugaragaza asomana byimbitse n’umugabo bari mu rukundo, aho yanatangaje ko uwo basomana ari umugabo we w’ejo hazaza.
Aya mafoto amaze gukwirakwizwa ku mbuga nkoranyambaga ya Wema hamwe n’uyu mukunzi we binavugwa ko afite inkomoko mu gihugu cy’Uburundi , umuhanzi Diamond wigeze no gukundana na Wema yahise ashyira ubutumwa kuri instagram agaragaza ko afite ishyari ryo kuba uyu mukobwa wigeze kumutwara umutima afite umukunzi mushya
Diamond yahise yandika amagambo aherekejwe n’ifoto ye yumvikanisha ko nawe yaba umugabo mwiza w’uyu mukobwa bigeze gukundana bigakomera. Yagize ati “Umugabo wawe w’ahazaza [ashyiraho udutangaro n’akamenyetso ko kwinginga] Njye se simbikwiye?”
Nyuma y’ibi byose byatangiye kuvugwa ko Diamond agikunda Wema Sepetu, nubwo batandukanye Wema ashinjwa kutabyara, nawe agashinja Diamond kuba ingumba.
TETA Sandra
