Ejo hashize kuwa gatandatu tariki 22 Nzeli 2018, nibwo umuringanews.com waganiriye n’ umuhanzi witwa Sibomana Jean Bosco uzwi ku izina ry’ubuhanzi Doctor scientific, adutangariza ibyo amaze kugeraho ndetse n’ibyo ahishiye abanyarwanda by’umwihariko abakunzi ba muzika nyarwanda cyane ko Iby’ubuhanzi abikora abikunze aho yatangiye ahimba indirimbo gakondo akazijyana muri studio bigera n’aho atangira guhimba izifite injyana ya reggae, zuke, RnB cyangwa se afrobeat.
Uyu muhanzi ufite imyaka 38 yarashatse, afite abana batandatu(6) abahungu batanu (5) n’umukobwa umwe (1), akaba atuye mu Murenge wa Jabana, Akagali ka Bweramvura, Umudugudu wa Gitega , Akarere ka Gasabo, akaba yatangaje ko guhanga ari impano imurimo kandi ko abikomora ku mubyeyi we, kuko nyina umubyara yari umuhanzi w’indirimbo za gakondo.
Dr Scientific yagize ati “ natangiye ndi njyenyine mpimba indirimbo zigera kuri cumi n’eshatu (13), nyuma y’aho nzaguhura n’undi musore bita King the Winner tuza gushinga itsinda twembe ryiwa “legends group”, aho twahimbye indirimbo makumyabiri (20) muri zo enye (4) twazisohoye ari amashusho izindi ni ama audio gusa dufite gahunda ko izisigaye nazo tuzazisohora mu mashusho kuko zifite ubutumwa bwiza, zirimo ubutumwa bwubaka”.
Dr akaba yatangaje ko guhanga bitoroshye bitwara imbaraga nyinshi, kuko bisaba kureba kure ndetse no kureba ibyabanje, bigatumba abihuza bikavamo ubutumwa bufite akamaro aha yavuzeko inganzo yubuhanzi ari umwuga ushobora gutunga uwukora, ati “ibi rero bituma nkora aka kazi k’ubuhanzi ngakunze kandi nkabanzi ko ari akazi kiyubashye ”.
Dr Scientific yavuze ko asaba abakunzi ba muzika kuba hafi “legends group”, dore ko banateganya gukora ibitaramo hirya no hino mu gihugu kugira ngo barusheho kumenyekana.
Yanatangaje ko bagenda bifatanya n’abandi bahanzi bamaze kubaka izina bagahurira ku gihangano runaka aho yatanze urugero rw’indirimbo bakoranye na Frankeyi w’i Musanze, Amag the blacker na Jay Polly, aho yatangaje ko yakoranye na Jay indirimbo ivuga k’urukundo, iya amag the blacker yitwa ubutumwa bw’iy’isi ko kuyibamo ari ukwitwararika ukabana neza n’abantu, naho frankeyi bakorana indirimbo utamu wa yesu ( iyi ndirimbo itanga ubutumwa bwigisha ijambo ry’Imana).
Dr Scientific yakomeje avuga ko guhimba ari uguhozaho bijyannye n’impano. Yaboneyeho n’umwanya gukangurira abakunzi ba Rayon Sports gukunda no gukurikira ibihangano bye dore ko agiye gushyira ahagaragara indirimbo ivuga ku ibigwi by’iyi kipe, cyane ko nawe ari umufana wayo, akaba yaboneyeho n’umwanya wo kuyifuriza intsinzi mu mukino uri buyihuze mu kanya saa cyenda na Enyimba FC yo muri Nigeria.
Sibomana Jean Bosco “Dr Scientific” akaba yashoje ikiganiro yagiranye n’umuringanews.com, ashishikariza abakunzi ba “ legends group” gukurikirana ibihangano byabo banyuze kuri channel yabo “Rwanda EAT legend”.
NIYONZIMA Theogene
