Nk’uko byaraye byemejwe na polisi yo mu mujyi wa Leicester yatangaje ko umuherwe nyiri ikipe ya Leicester City yo mu Bwongereza, umunya Thailand Vichai Srivaddhanaprabha n’abandi bantu 5 bari kumwe bitabye Imana nyuma y’impanuka y’indege yabaye kuwa Gatandatu taliki ya 27 Ukwakira 2018 saa mbili n’igice, ubwo indege yaribatwaye yahiriye hafi y’ikibuga cya King Power iyi kipe yakiniragaho,igwa muri Parking nyuma y’aho moteri yayo yagiriye ikibazo.
Ibi byabaye nyuma yo kureba umukino ikipe ye ya Leicester City yari imaze kunganyamo na Westham igitego 1kuri 1, indege ya kajugujugu y’uyu nyakwigendera Vichai Srivaddhanaprabha yaje kumufata ku kibuga nk’uko byari bisanzwe igeze mu kirere moteri irahagarara byatumye iyi ndege ihita ishya we n’abakozi be 4 bahita bapfa.
Ibihumbi n’ibihumbi by’abafana ba Leicester biriwe ku kibuga cya King Power, Leicester City ikiniraho bazanye indabo ndetse no gusengera uyu muherwe wabo wabakoreye ibitangaza bakegukana shampiyona y’Ubwongereza mu mwaka wa 2016.
Umunya Thailand Vichai Srivaddhanaprabha wari nyiri Leicester City yavutse taliki ya 4 Mata 1958 avukira mu mujyi wa Bangkok, asize umugore n’abana 4 ndetse yarafite ikinyamakuru “Forbes” gikunze gukora intonde z’abantu bafite agatubutse, giherutse gutangaza ko yari atunze akayabo ka miliyari zisaga 4 z’amadolari. Akaba yaraguze Leicester City mu mwaka wa 2010 akayabo ka miliyoni 39 z’amapawundi ari agakipe gaciriritse kakinaga mu cyiciro cya 3, ayifasha gukora amateka ubwo yatwaraga igikombe cya Premier League bitunguranye mu mwaka wa 2016.
IHIRWE Chris
