Ku mugoroba w’uyu wa Gatatu tariki 24 Ukwakira 2018 nibwo inkuru yageze imusozi ko umutoza Cassa Mbungo André yasezeye akava mu ikipe ya Kiyovu Sport, kuri ubu imurimo imishahara y’amezi arenga atatu (3) cyo kimwe n’abakinnyi bayisanzwemo dore ko n’abayisinyemo batarabona ibyo bagombwa n’ikipe.
Cassa Mbungo André wari umaze umwaka w’imikino 2017-2018 muri Kiyovu Sport ari umutoza mukuru, yasezeye kuri iyi mirimo nyuma y’ikibazo cy’amikoro kirambye muri iyi kipe yambara icyatsi n’umweru.
Cassa Mbungo watoje amakipe nka SEC Academy, AS Kigali, Police FC, Sunrise FC, yari yageze muri Kiyovu Sport ku itariki tariki ya 1 Kanama mu mwaka wa 2017 ubwo Kiyovu Sport yari yaramanutse mu cyiciro cya kabiri ariko ikaza kugarurwa isimbura Isonga. Kuri ubu Cassa Mbungo avuye muri Kiyovu Sport abasigiye amanota atatu 3 bakuye kuri Kirehe FC.
IHIRWE Chriss
