Mu ntangiriro za Gicurasi 2022 nibwo Minisitiri w’Ububanyi n’Amahanga Sergei Lavrov yatangaje ko Adolf Hitler ufatwa nk’umucurabwenge wa Jenoside yakorewe Abayahudi afite amaraso y’abayisiraheri, ibi byatumye Perezida w’u Burusiya, Vladmir Putin aca bugufi asaba imbabazi Isiraheri.
Aya magambo yatumye perezida w’u Burusiya acira bugufi Isiraheli, Minisitiri Lavrov yabitangaje asobanura impamvu u Burusiya buvuga ko Ukraine ari iy’aba Nazi nubwo Perezida wayo ari Umuyahudi.
Ati “Kuba ibintu ari uko bimeze ntibikuraho kuba hari aba Nazi muri Ukraine. Nibaza ko na Hitler nawe yari afite amaraso y’Abayahudi”.
Yakomeje avuga ko bamwe mu babanje kwanga Abayahudi ari Abayahudi ubwabo.
Aya magambo ya Sergei Lavrov yarakaje cyane Isiraheli ndetse Minisitiri w’Intebe, Naftali Bennett avuga ko u Burusiya bukwiriye kuyasabira imbabazi.
Itangazo ryashyizwe hanze n’Ibiro bya Minisitiri w’Intebe wa Isiraheli, rivuga ko Perezida Putin yasabye imbabazi kandi ko zakiriwe neza na Naftali Bennett.
Bivugwa ko izi mbabazi Putin yazisabiye mu kiganiro yagiranye na Minisitiri w’Intebe, Naftali Bennett kuri telefone.
Eric TUYISHIME
