Abarwayi bashya ba covid-19 bagera ku 9757 babonetse muri Afurika y’Epfo ejo hashize kuwa Kane tariki 5 Gicurasi 2022, baje basanga abandi 6170 bari banduye ku munsi wari wabanje, kikaba cyarishe abantu barindwi.
Amakuru atangwa n’inzego z’ubuzima muri icyo igihugu agaragaza ko umubare munini w’abanduye basanganywe ubwoko bwa COVID-19 buzwi nka Omicron.
Kuwa Gatatu tariki 4 Gicurasi 2022, Umuyobozi Mukuru w’Ishami ry’Umuryango w’Abibumbye ryita ku Buzima, Dr Tedros Adhanom Ghebreyesus yari yatangaje ko ubwoko bushya bwa Omicron buzwi nka BA.4 na BA.5 aribwo buri inyuma y’izamuka ry’iki cyorezo muri Afurika y’Epfo.
Muri Afurika y’Epfo hongeye kugaragara umubare munini w’abandura n’abicwa na COVID-19 nyuma y’amezi menshi yari ashize iki cyorezo cyaratanze agahenge ndetse amwe mu mabwiriza yo kucyirinda yaratangiye gukurwaho.
Ange KAYITESI
