Kugeza ubu ubwoba ni bwose mu Mujyi wa Wuhan wagaragayemo bwa mbere icyorezo cya covid-19 kuko hongeye kugaragara abantu banduye iki cyorezo, abenshi bakaba basanganywe ubwoko bwa delta.
Ibi byatumye u Bushinwa bugira icyoba nyuma y’uko hongeye kugaragara abarwayi ba Covid-19 bagera kuri 300 mu minsi 10 gusa.
Inzego z’ubuzima zitangaza ko ubwandu bushya buri kuboneka buri guterwa ahanini n’ubwoko bushya bwa virus ya Delta n’ubukerarugendo bw’imbere mu gihugu.
Igiteye impungenge ni uko ubwandu bukomeje kugaragara mu Ntara 15 zitandukanye ari nabyo bigiye gutuma Guverinoma ishyiraho ingamba zo gupima abantu benshi ndetse ngo hashobora no gushyirwaho Guma mu Rugo mu bice bimwe byagaragaramo ubwandu bwinshi.
Umujyi wa Wuhan na wo ugiye gutangira gupima abaturage bawutuyemo.
ubwanditsi@umuringanews.com
