Minisiteri y’Ubuzima yatangaje ko muri Kigali ari ho habonetse abarwaye ba Covid-19 benshi bangana na 338, Musanze 95, Rusizi 47, Kamonyi 38 mu gihe muri Bugesera, Gisagara, Rutsiro, Nyagatare, Rwamagana na Nyamasheke nta murwayi mushya wabonetsemo.
Abarwayi bashya 811 babonetse mu bipimo 6766 byafashwe mu masaha 24 yashize bituma umubare w’abamaze kwandura mu Rwanda uba 43396 mu bipimo 1.677512 bimaze gufatwa kuva muri Werurwe 2020.
Abantu icyenda bahitanywe na Coronavirus bituma umubare w’abamaze kwicwa n’iki cyorezo ugera kuri 479 mu gihe abanduye ari 811, muri bo harimo abagore bane barimo uw’imyaka 82 y’amavuko i Kigali, uw’imyaka 76 w’i Rubavu, uwa 62 i Karongi, 57 mu Ruhango n’abagabo batanu b’imyaka 79, 72, 52 na 51 b’i Kigali n’uwa 64 i Rubavu.
Mu masaha 24 yashize, hakize abarwayi 231. Muri rusange abamaze gusezererwa mu bitaro ni ku 27.837.Abakirwaye ni 15. 080 barimo 62 barembye.
Abantu 251,719 bamaze guhabwa doze ya kabiri y’urukingo rwa COVID19 “AstraZeneca” barimo 244 bayihawe uyu munsi.
Kugeza ubu mu Rwanda hamaze gukingirwa abantu 391.970 kuva ibi bikorwa byatangira ku wa 5 Werurwe 2021.
NIKUZE NKUSI Diane
