Amakuru mashya ya Covid-19 ku mugabane wa Afurika

Radiyo Mpuzamahanga y’u Bufaransa « RFI » yatangaje ko centre y’Umuryango w’Ubumwe bw’Afurika ishinzwe  gukumira no gukurikirana indwara, yashyize hanze icyegeranyo kerekana uko COVID-19 ihagaze ku mugabane wa Afurika kuva ku itariki ya 1 Kamena 2020 kugeza mu gitondo cyo kuri uyu wa mbere tariki 15 Kamena.

Ku wa Mbere w’iki cyumweru, tariki 1 Kamena 2020, Umugabane w’Afurika wabarurwagamo  abantu 147 099 bagaragayeho icyorezo cya Coronavirus gihitana 4 228. Ibihugu byibasiwe cyane n’icyo cyorezo ni Afurika y’Epfo, Misiri, Nigeria na Algérie.

Ku wa Kabiri tariki ya 2 Kamena, Umugabane w’Afurika wabarurwagaho abarwayi ba coronavirus 153 325, yahitanye 4 356. Ibihugu byibasiwe n’icyo cyorezo kurusha ibindi ni Afurika y’Epfo, Misiri, Nigeria na Algérie.

Ku wa Gatatu tariki 3 Kamena, Umugabane w’Afurika wabarurwagamo 158 318 barwaye covid-19 ndetse ihitana 4 508. Afurika y’Epfo Misiri Nigeria na Algérie ni byo bihugu byibasiwe cyane n’icyo cyorezo ku mugabane w’Afurika.

Ku wa Kane itariki ya 4 Kamena, Umugabane w’Afurika wabarurwagaho abarwayi ba coronavirus 163 599 mu gihe abahitanwe nayo bari 4 611. Ibihugu bine byagiye bigaragazwa hejuru ni byo bikomeje kwibasirwa kurusha ibindi kuri uyu mugabane.

Ku wa Gatanu tariki ya 5 Kamena, ku mugabane w’Afurika habaruwe  abarwayi ba coronavirus 163 599 ihitana abantu 4 611,  nk’uko byatangajwe na Santere y’Umuryango w’Afurika Yunze Ubumwe yo gukumira no gukurikirana indwara.

Ku wa Gatandatu tariki ya 6 Kamena 2020, Umugabane w’Afurika wabonetseho abarwayi 177 953 banduye coronavirus, ihitana 4 936. Afurika y’Epfo na Misiri ni byo bihugu bigikomeje kwibasirwa cyane na coronavirusi ku mugabane w’Afurika.

Ku Cyumweru tariki ya 7 Kamena, ku mugabane w’Afurika habarurwaga abarwayi ba coronavirus 184 333 naho 5 071  bari bamaze guhitanwa nayo.

Ku wa Mbere tariki ya 8 Kamena, Umugabane w’Afurika wabarurwagamo 189 434 bagaragayeho icyorezo cya Coronavirus, gihitana 5 175. Ibihugu byibasiwe cyane n’icyo cyorezo kurusha ibindi ku mugabane w’Afurika ni Afurika y’Epfo, Misiri, Nigeria na Algérie.

Ku wa Kabiri tariki ya 9 Kamena, ku mugabane w’Afurika habaruwe abarwayi ba Koronavirusi 195 875. Abahitanwe nayo ni 5 334. Afurika y’Epfo ikaba ikiri ku mwanya wa mbere muri Afurika mu bihugu byibasiwe cyane kurusha ibindi, hagakurikiraho Misiri, Nigeria na Algérie

Ku wa Gatatu tariki ya 10, Umugabane w’Afurika wabarurwagamo abarwayi ba COVID-19 bagera ku 203 899 ihitana 5 530. Ibihugu byibasiwe cyane n’icyo cyorezo ni Afurika y’Epfo yagaragayeho abarwayi  (53 000), Misiri (36 800), Nigeria (13 500), Algérie (10 400), Ghana (10 200), Cameroun (8 700) na Maroc (8 500).

Ku wa Kane itariki ya 11 Kamena, Umugabane w’Afurika wabarurwagaho abarwayi ba coronavirusi 210 153, ihitana 5 692. Ibihugu byibasiwe cyane ni Afurika y’Epfo yagaragayeho abarwayi (55 400), Misiri (38 300), Nigeria (13 900), Algérie (10 500), Ghana (10 400), Cameroun (8 700) na Maroc (8 500).

Ku wa Gatanu tariki ya 12 Kamena, ku mugabane w’Afurika habaruwe  abarwayi ba coronavirus 218 229 ihitana abantu 5 791.  Ibihugu byibasiwe cyane ni Afurika y’Epfo yagaragayeho abarwayi (58 600), Misiri (39 700), Nigeria (14 600), Ghana (10 900), Algérie (10 600), Cameroun (8 900) na Maroc (8 600).

Ku wa Gatandatu tariki ya 13 Kamena, abarwayi ba coronavirusi bari  226 034 imaze guhitana 6 070 ku mugabane w’Afurika. Ibihugu byibasiwe cyane ni Afurika y’Epfo yagaragayeho abarwayi (61 900), Misiri (41 300), Nigeria (15 200), Ghana (11 100), Algérie (10 700), Cameroun (8 900) na Maroc (8 700).

Ku Cyumweru tariki ya 14 Kamena, ku mugabane w’Afurika habarurwaga abarwayi ba Koronavirusi 233 732 ihitana 6 253. Ibihugu byibasiwe cyane ni Afurika y’Epfo yagaragayemo abarwayi (65 736), Misiri (42 980), Nigeria (15 682), Ghana (11 442), Algérie (10 810), Cameroun (8 929) na Maroc (8 732).

Mu Gitondo cyo kuri uyu wa Mbere tariki ya 15 Kamena, harabarurwa abarwayi b’icyo cyorezo 242,105 barimo 109,977 bakize na 6,464 bamaze guhitanwa na cyo.

IHIRWE Chriss

Sangiza abandi iyi nkuru

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *