Amakuru mashya kuri COVID-19 ku isi yose


Ishami ry’Umuryango w’Abibumbye ryita ku Buzima “OMS” ryatangaje amakuru mashya ku cyorezo cya COVID-19, aho kuri uyu wa Gatatu tariki 13 Gicurasi 2020, ku isi abantu 5 270 aribo bishwe n’iki cyorezo abandi 86 991 bamaze kucyandura.

Ku mugabane wa Afurika wose hamaze kugaragara abantu 73 974 banduye Coronavirus, abamaze gupfa basaga 2 507 naho abakize ni 26 250.

Afurika y’Epfo iri imbere mu kugira abafite ubwandu bwinshi kuko ari 12 074, abamaze gupfa ni 219, ikurikirwa na Misiri ubu ifite abamaze gupfa benshi kuri uyu mugabane, kuko bageze kuri 556 naho abamaze kwandura ni 10 431.

Muri Afurika y’Iburasirazuba, kugeza ubu igihugu kiza imbere mu bwandu bwinshi ni Kenya kuko hamaze kwandura 737 hapfuye 40, Tanzania iza ku mwanya wa kabiri, kuko handuye 509 hapfuye 21, u Rwanda rufite abanduye 287 abamaze gukira ni 164, muri Uganda ho hamaze kwandura 139, mu Burundi handuye abantu 15 hapfa umwe naho muri Sudani y’Epfo hamaze kwandura abantu 203.

Igihugu gikomeje kuza ku isonga mu kwibasirwa na COVID-19 ni Leta Zunze Ubumwe za Amerika, aho kuri uyu wa Gatatu cyapfushije abantu 1 772 n’aho abandi 21 712 baracyandura. Iki gihugu akaba aricyo kiri imbere mu kugira umubare w’abanduye n’abamaze gupfa ku Isi, abanduye bose akaba ari 1 430 348 naho abamaze gupfa bose ni 85 197.

Igihugu cya Espagne kiza ku mwanya wa kabiri aho abamaze gupfa ari  27 104.

U Burusiya buza ku mwanya wa Gatatu kuko bufite abanduye 242 271 hamaze gupfa 2 212, mu gihe u Bwongereza ho handuye abagera 229 705, hakaba hamaze gupfa 33 186. U Bwongereza bukurikirwa n’Ubutaliyani aho abanduye ari 222 104, hamaze gupfa 31 106.

Ishami ry’Umuryango w’Abibumbye ryita ku Buzima, OMS, ryagaragaje ko abamaze kwicwa n’icyorezo cya COVID-19 ku isi bageze ku 298 183, naho miliyoni 4 430 242 nibo bamaze kwandura.

IHIRWE Chris


IZINDI NKURU

Leave a Comment

This site uses Akismet to reduce spam. Learn how your comment data is processed.