Uganda: COVID-19 ikomeje kuba ikibazo cy’ingutu

Kuri uyu  wa kabiri, nibwo umunyamabanga mukuru wa perezida, Bwana Don Wanyama, yatangaje ko perezida azageza ijambo ku gihugu, ibi bikaba byatangajwe nyuma y’aho hemejwe abantu bashya banduye Coronavirus bagera 
ku munani bose bakaba ari abenegihugu ba Uganda bagarutse bava i Dubai kuya 20 Werurwe na 22 Werurwe mu ndege za Emirates na Etiyopiya.

Ati « Bitewe n’abantu umunani bashya bagaragayeho COVID-19, Perezida Yoweri Kaguta Museveni arageza ijambo ku gihugu uyu munsi saa yine z’ijoro, rinyura ku maradiyo na televiziyo ».

Bibaye ku nshuro ya kane Bwana Museveni ageza ijambo ku gihugu mu gihe kitarenze icyumweru avuga ku cyorezo cya coronavirus cyangije isi yose.

Mu ijambo rye rya mbere ku wa gatatu w’icyumweru gishize, perezida yategetse ko amashuri ahagarikwa kandi ahagarika amateraniro yose y’imibereho, politiki, amadini n’ibijyanye n’amahame yayo.

Ku wa gatandatu nyuma ya saa sita, mu masengesho y’igihugu, Bwana Museveni yashimangiye ko ari ngombwa kubungabunga isuku binyuze mu gukaraba intoki no gukoresha imiti yica udukoko.

Nyuma y’uko virusi ya mbere yemejwe ku cyumweru, perezida mu ijambo rye ku mugoroba yasabye Abagande kuguma mu rugo kandi bakirinda gukoresha uburyo rusange bwo gutwara abantu bagerageza gukumira ikwirakwizwa rya COVID-19.

NIYONZIMA Theogene

Sangiza abandi iyi nkuru

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *